తెలంగాణ ఉద్యమకారుల ఫోరమ్ నల్గొండ జిల్లా ఉపాధ్యక్షుడిగా నల్గొండ పట్టణానికి చెందిన రేకల బిక్షమయ్యను నియమిస్తూ రాష్ట్ర చైర్మన్ డాక్టర్ చీమ శ్రీనివాసరావు ఉత్తర్వులు జారీ చేశారు.

జిల్లా కమిటీ ఆధ్వర్యంలో నిర్వహించిన కార్యక్రమంలో జిల్లా అధ్యక్షులు కె. శ్రీనివాస్, జిల్లా నాయకులు వల్కి వెంకటేశం, జేఏసీ నాయకులు రాంబాబు యాదవ్, గంజి రాజేందర్, లెక్చరర్లు డి. మహేందర్, సుధాకర్ తదితర సీనియర్ ఉద్యమకారుల చేతుల మీదుగా నియామక పత్రాన్ని బిక్షమయ్య స్వీకరించారు.

ఈ సందర్భంగా రేకల బిక్షమయ్య మాట్లాడుతూ తెలంగాణ తొలి, మలి దశ ఉద్యమకారులకు న్యాయం జరిగే వరకు యుటిఎఫ్ తరఫున పోరాటం కొనసాగిస్తామని తెలిపారు. తన నియామకానికి కృషి చేసిన రాష్ట్ర చైర్మన్ డాక్టర్ చీమ శ్రీనివాసరావు, ఉమ్మడి జిల్లా యుటిఎఫ్ నాయకులకు కృతజ్ఞతలు తెలిపారు.