నల్గొండ, : తెలంగాణ హాస్టల్ వెల్ఫేర్ ఆఫీసర్స్ సెంట్రల్ అసోసియేషన్ రాష్ట్ర ఉపాధ్యక్షుడిగా నల్గొండ జిల్లాకు చెందిన కొల్లు బాలకృష్ణ ఎన్నికయ్యారు. నాంపల్లిలోని టీఎన్జీవోస్ యూనియన్ సెంట్రల్ అసోసియేషన్ భవనంలో నిర్వహించిన తెలంగాణ రాష్ట్ర వసతి గృహ సంక్షేమ అధికారుల సర్వసభ్య సమావేశంలో ఈ నిర్ణయం తీసుకున్నారు.

ప్రస్తుతం గిరిజన సంక్షేమ శాఖ పరిధిలోని పెద్దవూర ప్రభుత్వ గిరిజన సంక్షేమ బాలుర ఆశ్రమ పాఠశాలలో హాస్టల్ వెల్ఫేర్ ఆఫీసర్‌గా విధులు నిర్వహిస్తున్న కొల్లు బాలకృష్ణను రాష్ట్ర ఉపాధ్యక్షుడిగా ఎన్నుకున్నారు. ఈ సమావేశానికి టీఎన్జీవోస్ రాష్ట్ర అధ్యక్షుడు మారం జగదీశ్వర్, రాష్ట్ర ప్రధాన కార్యదర్శి ముజీబ్ హాజరయ్యారు.

కొల్లు బాలకృష్ణ ఎన్నికపై వసతి గృహ సంక్షేమ అధికారుల సంఘం రాష్ట్ర అధ్యక్షుడు భాస్కర్, రాష్ట్ర కోశాధికారి బి. లక్ష్మణ్, టీఎన్జీవో యూనియన్ నల్గొండ జిల్లా అధ్యక్షుడు నాగిళ్ల మురళి, జిల్లా ప్రధాన కార్యదర్శి జే. శేఖర్ రెడ్డి, జిల్లా కార్యవర్గ సభ్యులు, నల్గొండ జిల్లా వార్డెన్స్ సంఘం అధ్యక్షుడు భీమగాని రణధీవే, కార్యదర్శి సత్యనారాయణ తదితరులు హర్షం వ్యక్తం చేస్తూ అభినందనలు తెలిపారు.