తెలంగాణ వర్కింగ్ జర్నలిస్ట్స్ ఫెడరేషన్ నారాయణఖేడ్ డివిజన్ నూతన కార్యవర్గ సభ్యులను టీఆర్‌ఎస్ పార్టీ ఇంచార్జి బాపు మల్ శెట్టి మంగళవారం తన స్వగృహంలో శాలువాలతో ఘనంగా సన్మానించి శుభాకాంక్షలు తెలిపారు. ఈ సందర్భంగా ఆయన మాట్లాడుతూ ప్రజా సమస్యలను వెలుగులోకి తీసుకురావడంలో జర్నలిస్టుల పాత్ర ఎంతో కీలకమని, ప్రజలకు ప్రభుత్వానికి మధ్య వారధిగా పనిచేస్తూ సమస్యలను సంబంధిత అధికారుల దృష్టికి తీసుకెళ్లాలని అన్నారు. నూతన కార్యవర్గం జర్నలిస్టుల సమస్యల పరిష్కారంతో పాటు వారి సంక్షేమం కోసం ఐక్యంగా కృషి చేయాలని ఆకాంక్షించారు. కార్యక్రమంలో రాష్ట్ర కౌన్సిల్ సభ్యులు మునిగాల మానిక్ ప్రభు, డివిజన్ అధ్యక్షుడు పుట్టి సంజీవులు, వర్కింగ్ ప్రెసిడెంట్ ప్రతాప్, ప్రధాన కార్యదర్శి ఎం.ఏ. ఖైసర్, ఉపాధ్యక్షులు ఆంజనేయులు, సిద్ధారాం, కోశాధికారి ఇబ్రహీం, సహాయ కార్యదర్శులు డైనియల్, నాగ్ శెట్టి, మోహన్ రాథోడ్, ఈసీ సభ్యులు ప్రశాంత్, చోటు, పార్టీ నాయకులు మాణిక్యం ముదిరాజ్, సంగమేష్ చారి, శివరాజ్, సంగమేష్ తదితరులు పాల్గొన్నారు.