సూర్యాపేట మీదుగా బుల్లెట్‌ ట్రైన్‌ రావడమే తమ ప్రధాన లక్ష్యమని జిల్లా పాస్టర్ల సంఘం అధ్యక్షుడు మీసాల గోవర్ధన్‌ అన్నారు. మంగళవారం జిల్లా కేంద్రంలో బుల్లెట్‌ ట్రైన్‌ సాధన కోసం చేపట్టిన 40వ రోజు రిలే నిరాహార దీక్షలో ఆయన పాల్గొని మాట్లాడారు. సూర్యాపేట మీదుగా బుల్లెట్‌ ట్రైన్‌ వచ్చేలా సంబంధిత ప్రభుత్వాలు చర్యలు తీసుకోవాలని కోరారు. ప్రజల ఆకాంక్షలను గౌరవించి పాత అలైన్‌మెంట్‌ ప్రకారమే బుల్లెట్‌ ట్రైన్‌ మార్గాన్ని కొనసాగించాలని డిమాండ్‌ చేశారు. సూర్యాపేటను విస్మరిస్తే ఉద్యమాన్ని మరింత ఉధృతం చేస్తామని హెచ్చరించారు. కార్యక్రమంలో జిల్లా కోశాధికారి పి. సామేల్‌ కిరణ్‌, నియోజకవర్గ అధ్యక్షుడు డేవిడ్‌ రాజ్‌ జలగం, పట్టణ అధ్యక్షుడు కే. కరుణాకర్‌, సూర్యాపేట రూరల్‌ అధ్యక్షుడు జి. సోలోమెన్‌ రాజ్‌, గౌరవ సలహాదారులు జాన్‌ మార్క్‌, బాబురావు, జీవరత్నం, లాజర్‌, ఏసుపాదం, ఏజ్రా, సుదర్శన్‌ రాజు, సెల్వరాజ్‌ తదితరులు పాల్గొన్నారు.