శ్రీ సత్యసాయి జిల్లా సోమందేపల్లి మండల నూతన ఎస్‌ఐగా బాధ్యతలు స్వీకరించిన సుధాకర్ యాదవ్‌ను యాంటీ కరప్షన్ ఫోరం సభ్యులు ఘనంగా సన్మానించారు. గురువారం స్థానిక పోలీస్ స్టేషన్‌లో జరిగిన ఈ కార్యక్రమంలో సత్యసాయి జిల్లా హ్యూమన్ రైట్స్, యాంటీ కరప్షన్ ఫోరం అధ్యక్షులు నరసింహామూర్తి ఆధ్వర్యంలో సభ్యులు ఎస్‌ఐను మర్యాదపూర్వకంగా కలిశారు.

ఈ సందర్భంగా పలు సామాజిక అంశాలపై చర్చించారు. అనంతరం శాలువా కప్పి, పూల బొకే అందజేసి ఎస్‌ఐ సుధాకర్ యాదవ్‌ను అభినందించారు.

ఈ కార్యక్రమంలో హిందూపురం తాలూకా యాంటీ కరప్షన్ ఫోరం అధ్యక్షులు నాగభూషణ్ రెడ్డి, పెనుకొండ తాలూకా ఉపాధ్యక్షులు కలర్ శ్రీనివాసులు, సభ్యులు మల్లాపల్లి కొత్తపల్లి వెంకటేష్ తదితరులు పాల్గొన్నారు.