హైదరాబాద్, ఏప్రిల్ 20: ఉస్మానియా విశ్వవిద్యాలయం పరిధిలోని లైబ్రరీ అండ్ ఇన్ఫర్మేషన్ సైన్స్ విభాగంలో సోమ కిరణ్ కుమార్‌కు డాక్టరేట్ (పీహెచ్‌డీ) ప్రదానం చేశారు. “టీచర్ లైబ్రేరియన్షిప్: ఏ స్టేట్ ఆఫ్ ఆర్ట్ స్టడీ” అనే అంశంపై నిర్వహించిన పరిశోధనకు గాను ఈ పట్టా లభించింది.

డాక్టర్ ఆర్‌కే పవన్ కుమార్, డాక్టర్ ఏఎస్ చక్రవర్తి పర్యవేక్షణలో ఈ పరిశోధన పూర్తి చేసినట్లు అదనపు పరీక్షల నియంత్రణ అధికారి తెలిపారు.

పరిశోధనలో భాగంగా తెలంగాణ రాష్ట్రంలోని అంతర్జాతీయ K–12 పాఠశాలల్లో టీచర్ లైబ్రేరియన్ల అవసరం, వారి సేవలు, మౌలిక వసతులు, గ్రంథాలయాల పాత్ర, విద్యార్థులు–అధ్యాపకుల వినియోగం వంటి అంశాలను విశ్లేషించారు. పాఠశాలలలో గ్రంథాలయ అభివృద్ధికి పలు సూచనలు కూడా చేశారు.

ఈ సందర్భంగా లైబ్రరీ సైన్స్ విభాగాధిపతి డాక్టర్ వివేకవర్ధన్, డాక్టర్ ఎస్. యాదగిరి, డాక్టర్ అచల మునిగల్, డాక్టర్ చేగోని రవికుమార్, డాక్టర్ భారతి తదితర అధ్యాపకులకు, పరిశోధనలో సహకరించిన అందరికీ సోమ కిరణ్ కృతజ్ఞతలు తెలిపారు.

వరంగల్‌కు చెందిన సోమ కిరణ్ తన విజయంలో తల్లిదండ్రులు, కుటుంబ సభ్యుల ప్రోత్సాహం కీలకమని పేర్కొన్నారు.