సంగారెడ్డి జిల్లా నూతన కలెక్టర్‌గా ప్రతీక్ జైన్, ఐఏఎస్ ఆదివారం బాధ్యతలు స్వీకరించారు. ఈ సందర్భంగా జిల్లా అభివృద్ధికి కట్టుబడి పనిచేస్తానని, ప్రభుత్వ సంక్షేమ పథకాలు ప్రతి అర్హుడికి చేరేలా పారదర్శకంగా సేవలు అందిస్తానని తెలిపారు. ప్రజల సమస్యల పరిష్కారానికి అధికారులు సమన్వయంతో పని చేస్తారని పేర్కొన్నారు. అనంతరం అడిషనల్ కలెక్టర్ మాధురి, కలెక్టరేట్ అధికారులు, సిబ్బంది నూతన కలెక్టర్‌ను కలిసి శుభాకాంక్షలు తెలియజేశారు. జిల్లా అభివృద్ధి ఆయన నాయకత్వంలో మరింత వేగంగా ముందుకు సాగుతుందని అధికారులు ఆశాభావం వ్యక్తం చేశారు.