సంగారెడ్డి జిల్లా కలెక్టర్‌గా విధులు నిర్వహిస్తున్న ప్రావీణ్యను ప్రభుత్వం బదిలీ చేస్తూ శనివారం రాత్రి ఉత్తర్వులు జారీ చేసింది. ఆమెను ఆర్ అండ్ బీ శాఖ స్పెషల్ సెక్రటరీగా నియమించింది. సంగారెడ్డి జిల్లాలో సుమారు ఏడాదిన్నర పాటు కలెక్టర్‌గా సేవలందించిన ప్రావీణ్య వివిధ అభివృద్ధి కార్యక్రమాలు, సంక్షేమ పథకాల అమలు, ప్రజా సమస్యల పరిష్కారంలో చురుకైన పాత్ర పోషించారు. ఇక నారాయణపేట జిల్లా కలెక్టర్‌గా పనిచేస్తున్న ప్రతిక్ జైన్‌ను సంగారెడ్డి జిల్లా కొత్త కలెక్టర్‌గా ప్రభుత్వం నియమించింది. త్వరలోనే ఆయన బాధ్యతలు స్వీకరించనున్నారు. ఈ బదిలీతో సంగారెడ్డి జిల్లా పరిపాలనలో కొత్త మార్పులు చోటుచేసుకోనున్నాయి.