దంపతులకు శివ స్వాముల ఆశీస్సులు

చౌటుప్పల్ స్థానికం ప్రతినిధి:

చౌటుప్పల్ పట్టణంలోని వలిగొండ రోడ్డులో గల శ్రీ మోక్షలింగేశ్వర స్వామి దేవాలయంలో కార్తీకమాస శివదీక్ష చేపట్టిన స్వాములకు పల్లె గోవర్ధన్ రెడ్డి – సౌమ్య దంపతులు ఆదివారం భక్తిశ్రద్ధలతో అన్నదాన కార్యక్రమం నిర్వహించారు.​ఈ సందర్భంగా శివదీక్ష స్వాములు మాట్లాడుతూ.. కార్తీకమాసంలో శివదీక్ష చేపట్టిన స్వాములకు అన్నదానం చేయడం ఎంతో పుణ్యకార్యమని పేర్కొన్నారు. భక్తిభావంతో అన్నదానం నిర్వహించిన గోవర్ధన్ రెడ్డి – సౌమ్య దంపతులపై పరమశివుడి కృపాకటాక్షాలు ఎల్లవేళలా ఉండాలని ఆకాంక్షించారు. వారి కుటుంబ సభ్యులు ఆయురారోగ్యాలు, సుఖసంతోషాలతో ఉండాలని, వ్యాపారాలు దినదినాభివృద్ధి చెందాలని మనస్ఫూర్తిగా ప్రార్థించారు. అన్నదానం వంటి సేవా కార్యక్రమాలు సమాజంలో భక్తిభావాన్ని, సేవా స్ఫూర్తిని పెంపొందిస్తాయని తెలిపారు.​ఈ కార్యక్రమంలో గురుస్వామి ఆదిమూలం శంకర్, వీరమల్ల దాసు గౌడ్, కుక్కల నరసింహ, జూలు శంకరయ్య, గోగులోతు శంకర్ నాయక్, దోర్నాల గజేందర్, కందగట్ల శ్రీను, ముప్పిడి కృష్ణ చైతన్య, ఇట్టగొని విగ్నేష్, పున్న శివ, భీమనగొని బాల శివ తదితరులు పాల్గొన్నారు.