నకిరేకల్ నుంచి చినకాపర్తికి వెళ్తుండగా కారును ఢీకొట్టిన మరో వాహనం.

నల్లగొండ జిల్లా: ప్రభుత్వ విప్, నకిరేకల్ ఎమ్మెల్యే వేముల వీరేశంకు తృటిలో ప్రమాదం తప్పింది. కట్టంగూరు మండలం అన్నారం గ్రామం వద్ద ఈ ఘటన చోటుచేసుకుంది. నకిరేకల్ నుంచి చినకాపర్తి గ్రామానికి ఎమ్మెల్యే ప్రయాణిస్తున్న వాహనాన్ని మరో కారు ఢీకొట్టింది. ఈ ప్రమాదంలో ఎమ్మెల్యే కారు స్వల్పంగా ధ్వంసమైంది. అయితే ఎమ్మెల్యేకు ఎలాంటి ప్రమాదం జరగకపోవడంతో అందరూ ఊపిరి పీల్చుకున్నారు.