శ్రీ వాసవి సేవాసమితి ద్వారా జిల్లాలో అనేక సామాజిక, ఆధ్యాత్మిక సేవా కార్యక్రమాలు నిర్వహిస్తున్నట్లు సమితి జిల్లా అధ్యక్షులు బచ్చు పురుషోత్తం, కోశాధికారి సోమ ప్రవీణ్ కుమార్ తెలిపారు. మంగళవారం జిల్లా కేంద్రంలోని సంఘ కార్యాలయంలో ఆర్య వైశ్య మహాసభ నాయకులు వెంపటి శబరినాథ్‌కు సమితి సభ్యత్వం అందజేశారు.

ఈ సందర్భంగా వారు మాట్లాడుతూ, తొమ్మిది సంవత్సరాల క్రితం వనపర్తికి చెందిన పూరి సురేష్ శెట్టి స్థాపించిన ఈ సమితి అంచెలంచెలుగా అభివృద్ధి చెందుతూ ఉమ్మడి తెలుగు రాష్ట్రాల్లో అనేక సేవా కార్యక్రమాలు నిర్వహించి ప్రజల మన్ననలు పొందుతోందన్నారు.

సమాజ సేవలో భాగస్వామ్యం కావాలనుకునే వారు సమితిలో సభ్యులుగా చేరవచ్చని వారు తెలిపారు.