మహాత్మాగాంధీ జయంతి సందర్భంగా సంగారెడ్డి ఎమ్మెల్యే క్యాంపు కార్యాలయంలో గాంధీజీ చిత్రపటానికి ఎమ్మెల్యే చింత ప్రభాకర్ పార్టీ నాయకులు, కార్యకర్తలతో కలిసి పూలమాల వేసి ఘనంగా నివాళులర్పించారు. ఈ సందర్భంగా దేశ స్వాతంత్ర్యం కోసం మహాత్మాగాంధీ చేసిన పోరాటాన్ని, అహింసా మార్గంలో ప్రజలను ఏకం చేసిన ఆయన సేవలను ఎమ్మెల్యే స్మరించుకున్నారు. గాంధీజీ చూపిన సత్యం, అహింస, శాంతి, సామాజిక సమానత్వం వంటి విలువలను ప్రతి ఒక్కరూ ఆచరించాలని సూచించారు. సమాజంలో శాంతి, సోదరభావం, సమానత్వం పెంపొందించేందుకు అందరూ కృషి చేయాలని కోరారు. ఈ కార్యక్రమంలో మాజీ సీడీసీ చైర్మన్లు కాసాల బుచ్చిరెడ్డి, విజేందర్ రెడ్డి, డాక్టర్ శ్రీహరి, సునీల్, మండల పార్టీ అధ్యక్షుడు విఠల్, మాజీ జడ్పీటీసీ పాండు, కౌన్సిలర్ దశరథ్ రెడ్డి, గోవర్ధన్ రెడ్డి, ప్రేమ నందం, మాజీ కౌన్సిలర్ విష్ణు, శ్రవణ్ రెడ్డి తదితర పార్టీ నాయకులు, కార్యకర్తలు పాల్గొని మహాత్మాగాంధీకి నివాళులర్పించారు.