కోదాడ పట్టణంలోని పెఱిక భవనలో మంగళవారం కోదాడ మండల పరిధిలోని 33,296 మంది లబ్ధిదారులకు స్మార్ట్ కార్డు ల పంపిణీ కార్యక్రమాన్ని ఎమ్మెల్యే ఉత్తమ్ పద్మావతి రెడ్డి ప్రారంభించి వారికి అందజేశారు. ఈ సందర్భంగా ఎమ్మెల్యే మాట్లాడుతూ.. రాష్ట్ర ప్రభుత్వం పేద ప్రజల సంక్షేమాన్ని లక్ష్యంగా చేసుకుని అనేక ప్రజాహిత కార్యక్రమాలను అమలు చేస్తోందన్నారు. ప్రతి అర్హత కలిగిన కుటుంబానికి ఆహార భద్రత కల్పించాలనే లక్ష్యంతో స్మార్ట్ రేషన్ కార్డులను అందిస్తున్నట్లు తెలిపారు.