సమాచార హక్కు రక్షణ చట్టం-2005 యాదాద్రి భువనగిరి జిల్లా అధ్యక్షుడిగా చౌటుప్పల్ మండలం నేలపట్ల గ్రామానికి చెందిన దబ్బటి శేఖర్ మూడోసారి ఎన్నికయ్యారు. ఈ సందర్భంగా ఆయన శనివారం ఒక ప్రకటన విడుదల చేశారు.

​గత ఆరు సంవత్సరాలుగా ఆర్టీఐ, సామాజిక కార్యకర్తగా తాను అందించిన సేవలను గుర్తించి, మూడోసారి జిల్లా అధ్యక్షుడిగా బాధ్యతలు అప్పగించిన రాష్ట్ర కమిటీకి ఈ సందర్భంగా శేఖర్ హృదయపూర్వక ధన్యవాదాలు తెలిపారు. అనంతరం ఆయన మాట్లాడుతూ.. ప్రజలకు, అధికారులకు మధ్య వారధిగా పనిచేస్తూ సమస్యల పరిష్కారానికి నిరంతరం కృషి చేస్తున్నానని పేర్కొన్నారు. ప్రజల్లో చట్టాలపై అవగాహన కల్పిస్తూ, జిల్లా ప్రజలకు ఎల్లవేళలా అందుబాటులో ఉంటానని స్పష్టం చేశారు.