​10 పతకాలతో మెరిసిన చౌటుప్పల్ విద్యార్థులు

వనస్థలిపురంలోని మార్వెల్ స్పోర్ట్స్ స్కేటింగ్ రింక్‌లో నిర్వహించిన అంతర్-పాఠశాలల స్కేటింగ్ పోటీల్లో చౌటుప్పల్ మౌంట్ లిట్రా జీ స్కూల్ విద్యార్థులు అద్భుత ప్రతిభ కనబరిచి ఘన విజయం సాధించారు. ఈ పోటీల్లో పాఠశాల నుంచి 13 మంది విద్యార్థులు పాల్గొనగా, ఏకంగా 10 మంది పతకాలు సాధించి పాఠశాలకు, ప్రాంతానికి మంచి పేరు తెచ్చారు.​విజేతల్లో రికీల్ రెడ్డి, రీతుల్, దేవ్ ఆర్యన్, హర్షవర్ధన్, అంశుమాన్, రియా శ్రీలు బంగారు పతకాలు (గోల్డ్) సాధించగా, అయాన్ రజత పతకం (సిల్వర్) కైవసం చేసుకున్నారు. అలాగే అన్వేష్, శ్రీధన్, అత్ఫియా తబస్సుమ్‌లు కాంస్య పతకాలు (బ్రాంజ్) గెలుపొందారు.​పతకాలు సాధించిన విద్యార్థులను పాఠశాల చైర్మన్ జైపాల్ రెడ్డి, డైరెక్టర్ శ్రీకాంత్ రెడ్డి, ప్రిన్సిపాల్ రాజ్ కుమార్, వ్యాయామ ఉపాధ్యాయులు ప్రత్యేకంగా అభినందించారు. విద్యార్థులు భవిష్యత్తులో జాతీయ, అంతర్జాతీయ స్థాయిలో మరిన్ని ఉన్నత విజయాలు సాధించాలని ఆకాంక్షించారు. ఈ కార్యక్రమంలో పాఠశాల ఉపాధ్యాయులు, సిబ్బంది, విద్యార్థుల తల్లిదండ్రులు పాల్గొన్నారు.