చైతన్యపురి: గణేష్ సురక్ష సంకల్ప్–2026లో భాగంగా ఎల్‌బీ నగర్ డీసీపీ బి. అనురాధ, ఐపీఎస్ ఆధ్వర్యంలో చైతన్యపురి పోలీస్ స్టేషన్ పరిధిలో సైబర్ నేరాలు, ఆన్‌లైన్ మోసాలపై ప్రజలకు అవగాహన కార్యక్రమం నిర్వహించారు.

ఎస్‌ఆర్‌ఎల్ కాలనీలో ఏర్పాటు చేసిన గణేష్ మండపాలను డీసీపీ బి. అనురాధ, ఐపీఎస్ సందర్శించి మండపాల నిర్వాహకులు, భక్తులు, స్థానిక ప్రజలకు సైబర్ నేరాల పట్ల అప్రమత్తంగా ఉండాలని సూచించారు. పార్ట్‌టైమ్ జాబ్ మోసాలు, ఫేక్ ఇన్వెస్ట్‌మెంట్ ఆఫర్లు, ఓటీపీ మోసాలు, కేవైసీ పేరుతో మోసాలు, ఫేక్ లింకులు, సోషల్ మీడియా మోసాలు, డిజిటల్ అరెస్ట్ పేరుతో జరిగే మోసాలపై ప్రజలకు అవగాహన కల్పించారు.

OTP, UPI PIN, పాస్‌వర్డ్, బ్యాంకు ఖాతా వివరాలను ఎట్టి పరిస్థితుల్లోనూ ఇతరులతో పంచుకోవద్దని డీసీపీ అనురాధ సూచించారు. అనుమానాస్పద లింకులు, ఫోన్ కాల్స్‌కు స్పందించవద్దని హెచ్చరించారు. సైబర్ మోసానికి గురైన వెంటనే 1930కు ఫోన్ చేసి ఫిర్యాదు చేయాలని తెలిపారు.

కార్యక్రమంలో సైబర్ క్రైమ్ డీసీపీ ఎస్‌వీ. నాగలక్ష్మి, ఎల్‌బీ నగర్ ఏసీపీ పి. రవీందర్ రెడ్డి, చైతన్యపురి ఇన్‌స్పెక్టర్ కె. సైదులు, పోలీస్ సిబ్బంది పాల్గొన్నారు