ఎల్.బి.నగర్‌లో నిర్వహించిన యాదవ సదర్ సమ్మేళనంలో విషాదకర ఘటన చోటుచేసుకుంది. సదర్ ఉత్సవాల్లో భాగంగా దున్నపోతును ఆడిస్తున్న సమయంలో భవాని శంకర్ (16) అనే బాలుడు ఒక్కసారిగా కుప్పకూలిపోయాడు.

అక్కడే ఉన్నవారు వెంటనే స్పందించి బాలుడిని చికిత్స నిమిత్తం ఆసుపత్రికి తరలించారు. అయితే అప్పటికే బాలుడు మృతి చెందినట్లు సమాచారం. బాలుడి ఆకస్మిక మృతితో సమ్మేళన ప్రాంగణంలో విషాదఛాయలు అలుముకున్నాయి.

చిన్న వయసులోనే బాలుడు మృత్యువాత పడటంతో కుటుంబ సభ్యులు, బంధువులు కన్నీరుమున్నీరుగా విలపిస్తున్నారు. ఉత్సవాల సందడి మధ్య చోటుచేసుకున్న ఈ ఘటన స్థానికంగా తీవ్ర విషాదాన్ని నింపింది.