పేద,మధ్యతరగతి ప్రజలకు కంటి వైద్య సేవలను అందుబాటులోకి తీసుకురావాలనే ఉద్దేశంతో కోదాడ పట్టణంలో ఈ నెల 10వ తేదీ మంగళవారం ఉచిత నేత్ర వైద్య శిబిరాన్ని నిర్వహించనున్నారు. 30వ వార్డు కౌన్సిలర్ కారింగుల ఉమా అంజన్ గౌడ్ ఆధ్వర్యంలో,ఎమ్మెల్యే ఉత్తమ్ పద్మావతి రెడ్డి ప్రోత్సాహంతో శంకర కంటి ఆసుపత్రి సహకారంతో ఈ కార్యక్రమం ఏర్పాటు చేశారు.

కట్టకమ్మగూడెం రోడ్డులోని కాంగ్రెస్ పార్టీ కార్యాలయంలో ఉదయం 9 గంటల నుంచి మధ్యాహ్నం ఒంటి గంట వరకు శిబిరం కొనసాగనుంది.ఇందులో ఉచితంగా కంటి పరీక్షలు నిర్వహించి, అవసరమైన వారికి కంటి అద్దాలు అందజేయనున్నారు. ముఖ్యంగా ఆర్థిక ఇబ్బందులతో కంటి వైద్యం చేయించుకోలేని పేదలు,వృద్ధులు ఈ అవకాశాన్ని వినియోగించుకోవాలని నిర్వాహకులు కోరారు. కోదాడ పట్టణంతో పాటు పరిసర గ్రామాల ప్రజలు శిబిరానికి హాజరై వైద్య సేవలు పొందాలని కారింగుల ఉమా అంజన్ గౌడ్ విజ్ఞప్తి చేశారు.