వెలిమినేడు: నల్లగొండ జిల్లా చిట్యాల మండలం వెలిమినేడు గ్రామం 9వ వార్డులో త్రిశూల్ యూత్ ఆధ్వర్యంలో నిర్వహించిన వినాయక నవరాత్రి ఉత్సవాలు ఘనంగా ముగిశాయి. తొమ్మిది రోజులపాటు ప్రత్యేక పూజలు, భజన కార్యక్రమాలను భక్తిశ్రద్ధలతో నిర్వహించారు.ఉత్సవాల ముగింపు సందర్భంగా నిర్వహించిన గణనాథుని లడ్డూ వేలంలో వరికుప్పల విగ్నేష్ రూ.28,500కు లడ్డూను దక్కించుకున్నారు. ఈ సందర్భంగా ఆయన మాట్లాడుతూ.. వినాయకుడి లడ్డూ ప్రసాదాన్ని దక్కించుకోవడం తన పూర్వజన్మ సుకృతంగా భావిస్తున్నానన్నారు. గణనాథుని ఆశీస్సులు గ్రామ ప్రజలందరిపై ఉండాలని ఆకాంక్షించారు. కులమతాలకు అతీతంగా గ్రామ ప్రజలు ఐక్యంగా ఇలాంటి ఉత్సవాలను ప్రతి ఏటా ఘనంగా నిర్వహించుకోవాలని కోరారు.అనంతరం త్రిశూల్ యూత్ సభ్యులు వరికుప్పల విగ్నేష్‌ను శాలువాతో ఘనంగా సత్కరించి లడ్డూ ప్రసాదాన్ని అందజేశారు. కార్యక్రమంలో నాయకులు గోలి నరేష్, రూపని అజిత్, వడ్డేపల్లి పనుసు, త్రిశూల్ యూత్ కమిటీ సభ్యులు, గ్రామ పెద్దలు, ప్రజలు పాల్గొన్నారు.