సూర్యాపేట గణేష్‌ నవరాత్రి వేడుకల్లో భాగంగా సూర్యాపేట జిల్లా కేంద్రంలోని 23వ వార్డులో రెబల్‌ గణేష్‌ ఉత్సవ కమిటీ ఆధ్వర్యంలో ఏర్పాటు చేసిన గణేష్‌ విగ్రహం వద్ద తొమ్మిది రోజుల పాటు ప్రతిరోజూ అన్నదాన కార్యక్రమం నిర్వహించినట్లు 23వ వార్డు కౌన్సిలర్‌ వల్దాస్‌ లక్ష్మి శ్రీనివాస్‌ (రెబల్‌) తెలిపారు. మంగళవారం విగ్రహం వద్ద ప్రత్యేక పూజలు నిర్వహించి భక్తులకు అన్నప్రసాద వితరణ చేశారు. ఈ సందర్భంగా కౌన్సిలర్‌ మాట్లాడుతూ.. రెబల్‌ గణేష్‌ ఉత్సవ కమిటీ ఆధ్వర్యంలో ప్రతి ఏటా గణేష్‌ నవరాత్రి ఉత్సవాలను భక్తిశ్రద్ధలతో ఘనంగా నిర్వహిస్తున్నట్లు తెలిపారు. ఈ ఏడాది తొమ్మిది రోజుల పాటు ప్రతిరోజూ అన్నదానం నిర్వహించడం ఆనందంగా ఉందన్నారు. ఇటీవల గణేష్‌ విగ్రహం వద్ద స్థానికులకు ‘ఇరుముడి’ సినిమా చూపించగా పలువురు భావోద్వేగానికి గురయ్యారని గుర్తుచేశారు. ఉత్సవాలను విజయవంతంగా నిర్వహించడంతో పాటు తొమ్మిది రోజుల పాటు అన్నప్రసాద వితరణకు సహకరించిన దాతలకు, భక్తులకు, ఉత్సవ కమిటీ సభ్యులకు కౌన్సిలర్‌ ప్రత్యేక ధన్యవాదాలు తెలిపారు.

కార్యక్రమంలో పిడమర్తి నాగరాజు (డీఆర్‌), నీరన్‌, ఉమేష్‌, పిడమర్తి మహేందర్‌, పాలడుగు రవి, పాతకొట్టు రాజేష్‌, బొజ్జ జానీ, ప్రసాద్‌, సంజీవ్‌, వల్దాస్‌ మధు, పిడమర్తి శంకర్‌, మేడి గోపి, సాయి కృష్ణ, సాయిరాం, అయ్యన్న, వల్దాస్‌ ముఖేష్‌, గోనె అశోక్‌, బాలెంల బాబు, మణికంఠ, సుబ్రహ్మణ్యం, సాయి, టోనీ, శ్రావణి, నగరికంటి వీరన్న, వెంకటమ్మ, చరణ్‌, శివ, యాష్‌, నాగలక్ష్మి, అఖిల, సువర్ణ, సంతోష్‌, స్రవంతి, మూతిలింగం, అమ్ములు సాత్విక్‌ తదితరులు పాల్గొన్నారు.