యాదాద్రి భువనగిరి జిల్లా చౌటుప్పల్లోని ట్రినిటీ హైస్కూల్ ప్రాంగణంలో బుధవారం ఉమ్మడి నల్గొండ జిల్లా స్థాయి ఎస్జీఎఫ్ఐ (స్కూల్ గేమ్స్ ఫెడరేషన్ ఆఫ్ ఇండియా) అండర్-17 మల్కంబ్ ఎంపిక పోటీలు ఘనంగా నిర్వహించారు. ఈ పోటీల్లో ఉమ్మడి నల్గొండ జిల్లా నలుమూలల నుంచి వివిధ పాఠశాలలకు చెందిన బాలబాలికలు ఉత్సాహంగా పాల్గొని తమ క్రీడా ప్రతిభను ప్రదర్శించారు.ఈ ఎంపికల్లో తంగడపల్లి గ్రామానికి చెందిన ఊదరి శ్యామ్ సుందర్, లావణ్య దంపతుల కుమారుడు ఊదరి రాధే శ్యామ్ అత్యుత్తమ ప్రతిభ కనబరిచి రాష్ట్ర స్థాయి పోటీలకు ఎంపికయ్యాడు. ఇతడు తెలంగాణ రాష్ట్ర స్థాయి ఎస్జీఎఫ్ఐ మల్కంబ్ పోటీల్లో ఉమ్మడి నల్గొండ జిల్లా తరఫున ప్రాతినిధ్యం వహించనున్నాడు.ఈ సందర్భంగా చౌటుప్పల్ మండల విద్యాధికారి (ఎంఈవో) గురువారావు మాట్లాడుతూ.. మల్కంబ్ వంటి సాంప్రదాయ భారతీయ క్రీడలు విద్యార్థుల్లో శారీరక దృఢత్వం, సమతుల్యత, ఏకాగ్రత, క్రమశిక్షణను పెంపొందిస్తాయని పేర్కొన్నారు. పాఠశాల స్థాయి నుంచే ప్రతిభావంతులైన క్రీడాకారులను గుర్తించి ప్రోత్సహించడమే ఈ పోటీల ప్రధాన ఉద్దేశమని తెలిపారు. విద్యార్థులు చదువుతో పాటు క్రీడల్లోనూ రాణించాలని ఆయన ఆకాంక్షించారు.ఈ కార్యక్రమంలో పీఈటీఏ రాష్ట్ర అధ్యక్షుడు కృష్ణమూర్తి, ఎస్జీఎఫ్ మండల కార్యదర్శి లింగయ్య, జెడ్పీహెచ్ఎస్ కోయలగూడెం ఉపాధ్యాయుడు మట్టయ్య, ట్రినిటీ హైస్కూల్ చైర్మన్ కె.వి.బి. కృష్ణారావు, ప్రిన్సిపాల్ ఉజ్జిని మంజుల, తెలంగాణ మల్కంబ్ అసోసియేషన్ కార్యదర్శి ఎం. గోపాల్, వివిధ పాఠశాలల పీఈటీలు పాల్గొని విజేత రాధే శ్యామ్ను అభినందించారు.
రాష్ట్ర స్థాయి మల్కంబ్ పోటీలకు రాధే శ్యామ్ ఎంపిక
రాష్ట్ర స్థాయి మల్కంబ్ పోటీలకు రాధే శ్యామ్ ఎంపిక
K.RAVI
యాదాద్రి భువనగిరి జిల్లా చౌటుప్పల్లోని ట్రినిటీ హైస్కూల్ ప్రాంగణంలో బుధవారం ఉమ్మడి నల్గొండ జిల్లా స్థాయి ఎస్జీఎఫ్ఐ (స్కూల్ గేమ్స్ ఫెడరేషన్ ఆఫ్ ఇండియా) అండర్-17 మల్కంబ్ ఎంపిక పోటీలు ఘనంగా నిర్వహించారు. ఈ పోటీల్లో ఉమ్మడి నల్గొండ జిల్లా నలుమూలల నుంచి వివిధ పాఠశాలలకు చెందిన బాలబాలికలు ఉత్సాహంగా పాల్గొని తమ క్రీడా ప్రతిభను ప్రదర్శించారు.ఈ ఎంపికల్లో తంగడపల్లి గ్రామానికి చెందిన ఊదరి శ్యామ్ సుందర్, లావణ్య దంపతుల కుమారుడు ఊదరి రాధే శ్యామ్ అత్యుత్తమ ప్రతిభ కనబరిచి రాష్ట్ర స్థాయి పోటీలకు ఎంపికయ్యాడు. ఇతడు తెలంగాణ రాష్ట్ర స్థాయి ఎస్జీఎఫ్ఐ మల్కంబ్ పోటీల్లో ఉమ్మడి నల్గొండ జిల్లా తరఫున ప్రాతినిధ్యం వహించనున్నాడు.ఈ సందర్భంగా చౌటుప్పల్ మండల విద్యాధికారి (ఎంఈవో) గురువారావు మాట్లాడుతూ.. మల్కంబ్ వంటి సాంప్రదాయ భారతీయ క్రీడలు విద్యార్థుల్లో శారీరక దృఢత్వం, సమతుల్యత, ఏకాగ్రత, క్రమశిక్షణను పెంపొందిస్తాయని పేర్కొన్నారు. పాఠశాల స్థాయి నుంచే ప్రతిభావంతులైన క్రీడాకారులను గుర్తించి ప్రోత్సహించడమే ఈ పోటీల ప్రధాన ఉద్దేశమని తెలిపారు. విద్యార్థులు చదువుతో పాటు క్రీడల్లోనూ రాణించాలని ఆయన ఆకాంక్షించారు.ఈ కార్యక్రమంలో పీఈటీఏ రాష్ట్ర అధ్యక్షుడు కృష్ణమూర్తి, ఎస్జీఎఫ్ మండల కార్యదర్శి లింగయ్య, జెడ్పీహెచ్ఎస్ కోయలగూడెం ఉపాధ్యాయుడు మట్టయ్య, ట్రినిటీ హైస్కూల్ చైర్మన్ కె.వి.బి. కృష్ణారావు, ప్రిన్సిపాల్ ఉజ్జిని మంజుల, తెలంగాణ మల్కంబ్ అసోసియేషన్ కార్యదర్శి ఎం. గోపాల్, వివిధ పాఠశాలల పీఈటీలు పాల్గొని విజేత రాధే శ్యామ్ను అభినందించారు.
పాఠకుల అభిప్రాయాలు
ఇప్పటివరకు ఎలాంటి కామెంట్స్ పోస్ట్ చేయలేదు.
కామెంట్ను పోస్ట్ చేయండి