గర్భిణీలు, బాలింతలు, చిన్నారులు పోషక విలువలున్న ఆహారం తీసుకోవాలని ఐసీడీఎస్‌ సూపర్‌వైజర్‌ సుజాత సూచించారు. మంగళవారం బోగారం అంగన్‌వాడీ కేంద్రంలో పోషణ మాసం సందర్భంగా గర్భిణీలు, బాలింతలు, తల్లులు, చిన్నారులకు పోషకాహారంపై అవగాహన కార్యక్రమం నిర్వహించారు.ఈ సందర్భంగా సుజాత మాట్లాడుతూ.. రోజువారీ ఆహారంలో పాలు, గుడ్లు, ఆకుకూరలు, పండ్లు, చిరుధాన్యాలు తప్పనిసరిగా ఉండేలా చూసుకోవాలన్నారు. గర్భిణీలు సమతుల్య పోషకాహారం తీసుకోవడం ద్వారా తల్లి ఆరోగ్యంతోపాటు గర్భస్థ శిశువు ఆరోగ్యకరంగా ఎదగడానికి దోహదపడుతుందని తెలిపారు.కార్యక్రమంలో పంచాయతీ కార్యదర్శి ఏ.సుధా, పాఠశాల ప్రధానోపాధ్యాయురాలు శ్రీలత, అంగన్‌వాడీ టీచర్‌ బత్తుల వసంత, ఆశా కార్యకర్తలు జెల్ల సంధ్య, జెల్ల పారిజాత, అంగన్‌వాడీ ఆయాలు రత్నం, ఎల్లమ్మ, పంజాల ధనమ్మతోపాటు గర్భిణీలు, బాలింతలు, తల్లులు, చిన్నారులు పాల్గొన్నారు.