భక్తి శ్రద్ధల మధ్య ప్రత్యేక పూజలు, అభిషేకాలు

సీఐ జెండా ఊపి ప్రారంభించిన హనుమాన్ ర్యాలీ

చౌటుప్పల్ మండలం పంతంగి గ్రామంలో హనుమాన్ జయంతి వేడుకలు ఘనంగా నిర్వహించారు. ఈ సందర్భంగా గ్రామంలోని హనుమాన్ దేవాలయంలో స్వామివారికి ప్రత్యేక పూజలు, అభిషేకాలు భక్తి శ్రద్ధలతో నిర్వహించారు. అనంతరం నిర్వహించిన హనుమాన్ ర్యాలీని చౌటుప్పల్ సీఐ మన్మధ కుమార్ జెండా ఊపి ప్రారంభించారు. ఈ ర్యాలీలో గ్రామ పెద్దలు, హనుమాన్ భక్తులు, యువకులు, మహిళలు పెద్ద ఎత్తున పాల్గొన్నారు.గ్రామ పురవీధుల గుండా సాగిన ర్యాలీలో భక్తులు జై శ్రీరామ్, జై హనుమాన్ నినాదాలతో ఆధ్యాత్మిక వాతావరణాన్ని సృష్టించారు. భారీ సంఖ్యలో ప్రజలు పాల్గొని ర్యాలీని విజయవంతం చేశారు.