తెలంగాణ రాష్ట్ర పంచాయతీ రాజ్ శాఖ కమిషనర్ దివ్య దేవరాజన్‌ను గురువారం తెలంగాణ రాష్ట్ర సర్పంచుల సంఘం నాయకులు మర్యాదపూర్వకంగా కలిశారు. ఈ సందర్భంగా సర్పంచుల సంఘం సమిష్టిగా తీర్మానించిన పలు కీలక సమస్యలకు సంబంధించిన వినతిపత్రాన్ని కమిషనర్‌కు అందజేశారు.గ్రామ పంచాయతీల అభివృద్ధి, సర్పంచులు ఎదుర్కొంటున్న సమస్యల పరిష్కారానికి తగిన చర్యలు తీసుకోవాలని వారు ఈ సందర్భంగా విజ్ఞప్తి చేశారు. ఈ కార్యక్రమంలో సర్పంచుల సంఘం వ్యవస్థాపకుడు భూమన్న యాదవ్, రాష్ట్ర వర్కింగ్ ప్రెసిడెంట్ జక్క రాఘవేందర్ రెడ్డి, సంఘానికి చెందిన తదితర నాయకులు పాల్గొన్నారు.