యువ నాయకత్వానికి పట్టం కట్టిన సంఘం సభ్యులు

సూర్యాపేట, పిల్లలమర్రి గౌడ్ సంఘం నూతన అధ్యక్షుడిగా యువ నాయకుడు జెర్రీపోతుల నరేందర్ ఏకగ్రీవంగా ఎన్నికయ్యారు. సంఘం సభ్యులందరి సమక్షంలో ఆయన ఎన్నికను ఏకగ్రీవంగా ప్రకటించారు. యువ నాయకుడిగా, సౌమ్య స్వభావం కలిగిన వ్యక్తిగా, సేవాదృక్పథంతో ముందుకు సాగుతున్న నరేందర్‌కు అధ్యక్ష బాధ్యతలు అప్పగించడం పట్ల సంఘం సభ్యులు హర్షం వ్యక్తం చేశారు. సంఘం అభివృద్ధికి, గౌడ కులస్థుల ఐక్యతకు కృషి చేస్తూ, అందరినీ కలుపుకొని ముందుకు సాగాలని సభ్యులు ఆకాంక్షించారు. తనపై నమ్మకంతో అధ్యక్ష బాధ్యతలు అప్పగించిన సంఘం పెద్దలకు, సభ్యులకు నరేందర్ కృతజ్ఞతలు తెలిపారు. సంఘం అభివృద్ధికి, సభ్యుల సంక్షేమానికి తనవంతు కృషి చేస్తానని తెలిపారు.