రామన్నపేట: యాదాద్రి భువనగిరి జిల్లా రామన్నపేట మండలంలోని శోభనాద్రి పురం గ్రామానికి చెందిన కామ్రేడ్ పబ్బతి లింగన్న గౌడ్ మంగళవారం మృతి చెందారు. ఉమ్మడి నల్లగొండ జిల్లా కల్లుగీత కార్మిక సంఘం మాజీ జిల్లా నాయకుడిగా, రామన్నపేట మండల పరిషత్ మాజీ ఉపాధ్యక్షుడిగా ఆయన సేవలందించారు. పేదలు, కార్మికుల సమస్యలపై ఆయన చేసిన కృషి మరువలేనిదని పలువురు పేర్కొన్నారు. లింగన్న గౌడ్ మృతి పేదల వర్గానికి తీరని లోటని సంతాపం వ్యక్తం చేశారు. కామ్రేడ్ పబ్బతి లింగన్న గౌడ్‌కు జోహార్లు అర్పించారు. ఆయన అంత్యక్రియలు బుధవారం (23న) శోభా నాద్రిపురంలో నిర్వహించనున్నట్లు కుటుంబ సభ్యులు తెలిపారు.