హైదరాబాద్

మార్షల్ ఆర్ట్స్ రంగంలో లయన్ గోజు ర్యూ కరాటే అకాడమీ మరో ఘనత సాధించింది. అకాడమీ ఆధ్వర్యంలో నిర్వహించిన నాలుగవ వార్షిక బ్లాక్ బెల్ట్ అవార్డు ప్రదానోత్సవం, గిన్నిస్ & లిమ్కా రికార్డ్స్ కార్యక్రమాలు విశేషంగా ఆకట్టుకున్నాయి.

ఈ వేడుకలో పాల్గొన్న విద్యార్థులందరూ అదే అకాడమీలో శిక్షణ పొందుతున్నవారే కావడం ప్రత్యేకత. వారి కరాటే ప్రదర్శనలు ప్రేక్షకులను మంత్ర ముగ్ధులను చేశాయి. ముఖ్యంగా తల్హా, అయాన్ అలీ ప్రదర్శనలు ప్రత్యేక ఆకర్షణగా నిలిచి ప్రశంసలు అందుకున్నాయి.

తెలుగు సినీ పరిశ్రమకు చెందిన ప్రముఖ ఫైట్ మాస్టర్స్ రామ్-లక్ష్మణ్ మాస్టర్స్ ముఖ్య అతిథులుగా హాజరై కార్యక్రమానికి మరింత ప్రాధాన్యం తీసుకువచ్చారు. స్టంట్ మాస్టర్స్ బద్రి (డేర్ డెవిల్), కృష్ణ, మూవీ ఎడిటర్ సంపత్ అన్నా, ప్రకాశ్ అన్నా గౌరవ అతిథులుగా పాల్గొన్నారు.

ఈ కార్యక్రమాన్ని ఆర్గనైజర్ కే. మహేష్ నాయక్ ఆధ్వర్యంలో విజయవంతంగా నిర్వహించారు.

అకాడమీ Founder & President (India Style Chief) నేతృత్వంలో ఈ వేడుక ఘనంగా జరిగింది.

చైర్మన్ డా. లయన్ గోపాల్ రెడ్డి, సీనియర్ మాస్టర్ పీఎం రాము, అలాగే మాస్టర్స్ సిహెచ్ రాజ్ కుమార్, ఎస్ ప్రసాద్ వెంకటేష్, ఆర్ మహేష్, నందిని, శ్రీకాంత్, శివల కృషి కార్యక్రమ విజయానికి కీలకంగా నిలిచింది.

ఈ కార్యక్రమం ద్వారా విద్యార్థుల్లో క్రమశిక్షణ, ధైర్యం, ఆత్మవిశ్వాసం పెంపొందించడంతో పాటు కరాటే ప్రాముఖ్యతను సమాజానికి తెలియజేశారు. ప్రపంచ రికార్డుల సాక్షిగా నిర్వహించిన ఈ వేడుక అకాడమీకి మరింత గౌరవాన్ని తీసుకొచ్చింది.