నారాయణఖేడ్ నియోజకవర్గం కంగ్టి మండలం నాగంపల్లిలో శుక్రవారం మధ్యాహ్నం విద్యుత్ షాక్‌కు గురై నాయకుని రాజు (55) అస్వస్థతకు గురయ్యాడు.సిర్గాపూర్ మండలం ముబారక్‌పూర్‌కు చెందిన రాజు కూలి పనిలో భాగంగా ఓ ఇంటికి సున్నం వేస్తుండగా సమీపంలోని విద్యుత్ తీగలకు తగలడంతో షాక్‌కు గురై అపస్మారక స్థితిలోకి వెళ్లినట్లు స్థానికులు తెలిపారు.వెంటనే 108కు సమాచారం అందించడంతో సిబ్బంది సంఘటనా స్థలానికి చేరుకుని రాజును నారాయణఖేడ్ ప్రభుత్వ ఆసుపత్రికి తరలించారు. ప్రస్తుతం ఆయనకు వైద్యులు చికిత్స అందిస్తున్నారు.