వజ్రమ్మ చిత్రపటానికి పూలమాల వేసి నివాళులు

మునుగోడు నియోజకవర్గ కాంగ్రెస్ పార్టీ ఎన్నికల ఇంచార్జ్ పబ్బు రాజు గౌడ్ మాతృమూర్తి పబ్బు వజ్రమ్మ ఇటీవల కన్నుమూసిన సంగతి తెలిసిందే. ఈ క్రమంలో కోమటిరెడ్డి సుశీలమ్మ ఫౌండేషన్ ప్రతినిధి పెద్దగొని మౌనిక రమేష్ గౌడ్ గురువారం రాజు గౌడ్ నివాసానికి వెళ్ళి ఆయనను పరామర్శించారు.​అనంతరం, అక్కడ ఏర్పాటు చేసిన పబ్బు వజ్రమ్మ చిత్రపటానికి పూలమాల వేసి ఘనంగా నివాళులర్పించారు. మాతృవియోగానంతరం విచారంలో ఉన్న కుటుంబ సభ్యులకు తమ గాఢ సానుభూతిని తెలియజేశారు. ఈ కార్యక్రమంలో మార్కెట్ కమిటీ వైస్ చైర్మన్ ఆకుల ఇంద్రసేనా రెడ్డి, మండల కాంగ్రెస్ పార్టీ అధ్యక్షుడు బోయ దేవేందర్, పలువురు మండల స్థాయి నాయకులు, కార్యకర్తలు తదితరులు పాల్గొన్నారు.