​అలరించిన సుర్వి కుటుంబ సభ్యుల ఆత్మీయ సమ్మేళనం

ఒకేచోట చేరిన 200 మంది బంధువులు

తరాలు మారినా అనుబంధాలు మారవని చాటిచెబుతూ సుర్వి కుటుంబ సభ్యులు ఒకే వేదికపైకి చేరి సందడి చేశారు. చౌటుప్పల్ మున్సిపాలిటీ పరిధిలోని తాళ్ళ సింగారం గ్రామానికి చెందిన కీర్తిశేషులు సుర్వి రాజమ్మ-సాయన్న గౌడ్ దంపతుల కుమారులు, కుమార్తెలు, వారి బంధువుల ఆత్మీయ సమ్మేళన కార్యక్రమం మల్కాపురం గ్రామంలోని ఒక ఫామ్‌హౌస్‌లో ఘనంగా నిర్వహించారు.​ఈ వేడుకలో నాలుగు తరాలకు చెందిన సుమారు 200 మంది సుర్వి కుటుంబ సభ్యులు ఒక్కటై ఒకరి యోగక్షేమాలు మరొకరు అడిగి తెలుసుకున్నారు. పెద్దల ఆశీస్సులు, పిల్లల ఆటపాటలు, పిచ్చాపాటీ ముచ్చట్లతో రోజంతా ఆనందోత్సవాల మధ్య గడిపారు.​ఈ సందర్భంగా పలువురు పెద్దలు మాట్లాడుతూ... నాలుగు తరాల కుటుంబ సభ్యులందరూ ఒకే చోట కలుసుకోవడం ఎంతో సంతోషాన్ని ఇచ్చిందన్నారు. ఇలాంటి ఆత్మీయ కలయికలు కుటుంబాల మధ్య అనురాగాన్ని, ఆప్యాయతలను మరింత పెంపొందిస్తాయని ఆనందం వ్యక్తం చేశారు.