సందడిగా అమ్మవారి చీరల వేలంపాట

లక్కీ డ్రాలో పట్టు చీర, శాలువా విజేతలు

చౌటుప్పల్ స్థానికం ప్రతినిధి:

స్థానిక శ్రీ మార్కండేయ దేవాలయంలో శరన్నవరాత్రి ఉత్సవాల సందర్భంగా అమ్మవారికి భక్తులు సమర్పించిన ఒడిబియ్యంతో శనివారం మహా అన్నదానం ఘనంగా నిర్వహించారు. పట్టణం నుంచి పెద్ద సంఖ్యలో తరలివచ్చిన భక్తులు అన్నప్రసాదాన్ని స్వీకరించారు.​ఈ సందర్భంగా ఉత్సవ కమిటీ ప్రతినిధులు పెద్ది కృష్ణ, గోశిక బలరాజు, సూరేపల్లి శివ, గోలి శ్రీను, బత్తుల యశ్వంత్ మాట్లాడుతూ.. ఒడిబియ్యంతో అన్నదానం చేపట్టడం పవిత్రమైన సేవా కార్యక్రమని, ప్రతి ఏటా ఈ సంప్రదాయాన్ని కొనసాగిస్తామని తెలిపారు. వేడుకల్లో భాగంగా అమ్మవారి చీరల వేలంపాటను ఉత్సాహంగా నిర్వహించారు. మహిళలు పోటీపడి అమ్మవారి శేషవస్త్రాలను కైవసం చేసుకున్నారు. ప్రత్యేకంగా నిర్వహించిన లక్కీ డ్రాలో చేనేత పట్టు చీరను గోశిక కరుణాకర్-సుమతి దంపతులు, పట్టు శాలువాను పోలోజు వెంకటాచారి దక్కించుకోగా,విజేతలను ఉత్సవ కమిటీ అభినందించింది.కార్యక్రమంలో మున్సిపల్ వైస్ చైర్మన్ గోశిక వినయ్ కుమార్, కౌన్సిలర్ పిల్లలమర్రి మధుసూదన్, ఆలయ అధ్యక్ష కార్యదర్శులు బడుగు జయప్రకాశ్, గోశిక బాలనర్సింహ పాల్గొన్నారు.

​