నిరుద్యోగ యువతకు ఉపాధి అవకాశాలు కల్పించడమే ప్రభుత్వ ధ్యేయమని మంత్రి కోమటిరెడ్డి వెంకటరెడ్డి అన్నారు. కోదాడ నియోజకవర్గంలో ఉత్తమ్ నాయకత్వంలో సాగునీటి రంగానికి, పేద ప్రజలకు మేలు జరిగిందని పేర్కొన్నారు. శనివారం కోదాడ పట్టణంలో నిర్వహించిన మెగా జాబ్ మేళా కార్యక్రమంలో ఆయన పాల్గొని మాట్లాడారు..స్కిల్ డెవలప్మెంట్, ఫ్యూచర్ సిటీ వంటి కార్యక్రమాలతో గ్రామీణ యువతకు ఉద్యోగ అవకాశాలు కల్పించేందుకు జాబ్ మేళా ఏర్పాటు చేసినట్లు తెలిపారు.ఇలాంటి భారీ కార్యక్రమం దేశంలోనే ఎక్కడా నిర్వహించలేదని ఆయన పేర్కొన్నారు. వేలాది మంది నిరుద్యోగ యువతకు వివిధ రంగాల్లో ఉద్యోగ అవకాశాలు కల్పించేలా జాబ్మేళా నిర్వహించడం అభినందనీయమన్నారు. కోదాడలో నిర్వహిస్తున్న మెగా జాబ్మేళాలో వందలాది కంపెనీలు పాల్గొంటున్నట్లు తాజా స్థానిక నివేదికలు వెల్లడించాయన్నారు.