రామన్నపేట మండలంలోని నిదానపల్లి గ్రామంలో భారత రాష్ట్ర సమితి (బీఆర్ఎస్) ఆవిర్భావ దినోత్సవ వేడుకలు సోమవారం ఘనంగా నిర్వహించారు. పార్టీ నాయకులు, కార్యకర్తలు పెద్ద ఎత్తున హాజరై వేడుకలను విజయవంతం చేశారు.

ఈ సందర్భంగా గ్రామ శాఖ అధ్యక్షుడు నారపాక రమేష్ పార్టీ జెండాను ఆవిష్కరించి కార్యక్రమాన్ని ప్రారంభించారు. అనంతరం పార్టీ జెండాకు గౌరవ వందనం సమర్పిస్తూ, పార్టీ స్థాపన వెనుక ఉన్న లక్ష్యాలు, ఉద్యమ చరిత్రను స్మరించుకున్నారు. తెలంగాణ రాష్ట్ర సాధనలో బీఆర్ఎస్ పార్టీ పోషించిన పాత్రను నాయకులు గుర్తుచేశారు.అలాగే పార్టీ సిద్ధాంతాలను ప్రజల్లోకి తీసుకెళ్లడం ప్రతి కార్యకర్త బాధ్యత అని పేర్కొన్నారు. గ్రామంలో సంక్షేమ పథకాల అమలులో బీఆర్ఎస్ ప్రభుత్వ కృషిని వివరించారు. భవిష్యత్తులో కూడా ప్రజల ఆశయాలను నెరవేర్చే దిశగా పార్టీ కట్టుబడి పనిచేస్తుందని తెలిపారు.

ఈ కార్యక్రమంలో పోతకోని శాంతి కుమార్, వర్కాల మల్లేష్, కడారి మహేష్, వర్కాల సూరత్, సల్ల ఉపేందర్, భాష మల్ల క్రాంతి, నారపాక అజయ్, వర్కాల గణేష్ తదితర నాయకులు, కార్యకర్తలు పాల్గొన్నారు.