రామన్నపేట మండలంలోని నీర్నెముల గ్రామంలో భారత రాష్ట్ర సమితి (బీఆర్ఎస్) ఆవిర్భావ దినోత్సవ వేడుకలు ఘనంగా నిర్వహించారు. గ్రామంలో పార్టీ శ్రేణులు ఉత్సాహంగా పాల్గొని వేడుకలను విజయవంతం చేశారు.

గ్రామ శాఖ అధ్యక్షుడు బొల్లం సతీష్ యాదవ్ ఆధ్వర్యంలో జరిగిన ఈ కార్యక్రమంలో పార్టీ జెండాను ఆవిష్కరించి నాయకులు ఆవిర్భావ దినోత్సవాన్ని జరుపుకున్నారు. ఈ సందర్భంగా పార్టీ స్థాపన లక్ష్యాలు, ఉద్యమ స్ఫూర్తిని స్మరించుకున్నారు.

ఈ కార్యక్రమంలో ఉద్యమ నాయకులు ఆవుల నరేందర్, చిప్పలపల్లి రవీందర్, ఆవుల లక్ష్మి నారాయణ, జెట్టి శివ ప్రసాద్, ఆవుల శ్రీధర్, పరమేష్, యాదయ్య, ఉపేందర్, బాలు, మని తదితరులు పాల్గొన్నారు.