పాల్గొననున్న చౌటుప్పల్ డీఎస్పీ మధుసూదన్ రెడ్డి, సీఐ మన్మథ కుమార్

నేటి యువత ఆరోగ్య పరిరక్షణే ధ్యేయంగా కార్యక్రమం

యువతలో ఆరోగ్యంపై అవగాహన పెంచేందుకు సెప్టెంబర్ 27 (ఆదివారం) నేలపట్లలో 5 కిలోమీటర్ల వాకింగ్ అండ్ రన్నింగ్ ప్రోగ్రామ్‌ను నిర్వహించనున్నట్లు నిర్వాహకులు తెలిపారు. గ్రామంలోని రాయల్ గార్డెన్ వేదికగా ఉదయం 6:00 గంటలకు దబ్బడి రాములు గౌడ్ ఆధ్వర్యంలో ఈ అవేర్‌నెస్ కార్యక్రమం ప్రారంభం కానుంది.​ఈ కార్యక్రమానికి ముఖ్య అతిథులుగా చౌటుప్పల్ డీఎస్పీ మధుసూదన్ రెడ్డి, సీఐ మన్మథ కుమార్ హాజరుకానున్నారు. శారీరక దృఢత్వం, ఆరోగ్యకరమైన జీవనశైలి ప్రాముఖ్యతను వివరించేందుకు చేపడుతున్న ఈ 5కే వాక్ అండ్ రన్‌లో యువత, గ్రామ ప్రజలు పెద్ద ఎత్తున పాల్గొని కార్యక్రమాన్ని విజయవంతం చేయాలని రాములు గౌడ్ కోరారు.