​* అందుబాటులో హాల్‌టికెట్లు

​* నిమిషం నిబంధన అమలు.. అరగంట ముందే చేరుకోవాలి

​* ప్రిన్సిపల్ శివ స్వరూప రాణి వెల్లడి

తెలంగాణ రాష్ట్రంలోని మోడల్‌ స్కూళ్లలో 2026-27 విద్యా సంవత్సరానికి గానూ 6వ తరగతి నుంచి 10వ తరగతి వరకు ప్రవేశాల కోసం నిర్వహించే ప్రవేశ పరీక్ష ఆదివారం (ఏప్రిల్‌ 19న) జరగనుంది. ఈ మేరకు పరీక్షకు సంబంధించిన అన్ని ఏర్పాట్లు పూర్తి చేసినట్లు చౌటుప్పల్ మోడల్ స్కూల్ ప్రిన్సిపల్ శివ స్వరూప రాణి ఒక ప్రకటనలో తెలిపారు. విద్యార్థులు తమ హాల్‌టికెట్లను అధికారిక వెబ్‌సైట్‌ నుంచి డౌన్‌లోడ్ చేసుకోవాలని సూచించారు.

​పరీక్ష సమయాలు:

​6వ తరగతి: ఉదయం 10:00 గంటల నుంచి మధ్యాహ్నం 12:00 గంటల వరకు.

​7 నుంచి 10వ తరగతి: మధ్యాహ్నం 2:00 గంటల నుంచి సాయంత్రం 4:00 గంటల వరకు.

​విద్యార్థులకు సూచనలు:

​హాల్‌టికెట్‌ లేనిదే పరీక్ష కేంద్రంలోకి అనుమతించరు. హాల్‌టికెట్‌తో పాటు ఏదైనా గుర్తింపు కార్డు తప్పనిసరిగా తీసుకురావాలి. ​పరీక్ష ప్రారంభానికి 30 నిమిషాల ముందే విద్యార్థులు కేంద్రానికి చేరుకోవాలి.​నిమిషం నిబంధన అమలులో ఉన్నందున, ఆలస్యంగా వచ్చే వారికి ప్రవేశం ఉండదు.

​వెబ్‌సైట్‌: https://telanganams.cgg.gov.in