డిగ్రీ ఫ్రెషర్లకు ఉద్యోగావకాశం.. రూ.15 వేల వరకు వేతనం.

నల్లగొండ: నాగార్జున ప్రభుత్వ కళాశాలలో తెలంగాణ స్కిల్స్‌ అండ్‌ నాలెడ్జ్‌ సెంటర్‌ (TSKC) ఆధ్వర్యంలో కీర్తన ఫిన్‌ సర్వ్‌ గోల్డ్‌ లోన్స్‌ సంస్థ సహకారంతో బుధవారం (సెప్టెంబర్‌ 2) క్యాంపస్‌ రిక్రూట్‌మెంట్‌ డ్రైవ్‌ నిర్వహించనున్నారు. ఈ మేరకు కళాశాల ప్రిన్సిపాల్‌ ప్రొఫెసర్‌ ఎస్‌. ఉపేందర్‌, TSKC కోఆర్డినేటర్‌ డాక్టర్‌ ఎం. అనిల్‌కుమార్‌ తెలిపారు.

రిక్రూట్‌మెంట్‌లో భాగంగా ఆపరేషన్స్‌ ఎగ్జిక్యూటివ్‌, ట్రైనీ లోన్‌ ఆఫీసర్‌ పోస్టులకు అభ్యర్థులను ఎంపిక చేయనున్నారు. ఆపరేషన్స్‌ ఎగ్జిక్యూటివ్‌కు నెలకు రూ.14,000, ట్రైనీ లోన్‌ ఆఫీసర్‌కు రూ.15,000తో పాటు పనితీరు ఆధారిత ప్రోత్సాహకాలు అందించనున్నట్లు నిర్వాహకులు వెల్లడించారు. అదనంగా ప్రావిడెంట్‌ ఫండ్‌, ఈఎస్‌ఐ, మెడికల్‌ ఇన్సూరెన్స్‌, శిక్షణ, కెరీర్‌ అభివృద్ధి అవకాశాలు కల్పించనున్నట్లు తెలిపారు.

అర్హతలు ఇవే..

ఏదైనా డిగ్రీ పూర్తి చేసిన ఫ్రెషర్స్‌, ఇటీవల ఉత్తీర్ణులైన అభ్యర్థులు ఈ ఉద్యోగాలకు దరఖాస్తు చేసుకోవచ్చు. అభ్యర్థుల వయసు 26 సంవత్సరాలలోపు ఉండాలి.

ఉదయం 9.30 గంటలకు ఎంపిక ప్రక్రియ.

ఆసక్తి, అర్హత కలిగిన అభ్యర్థులు సెప్టెంబర్‌ 2న ఉదయం 9.30 గంటలకు నాగార్జున ప్రభుత్వ కళాశాల సెమినార్‌ హాల్‌కు హాజరు కావాలని నిర్వాహకులు సూచించారు. అభ్యర్థులు అప్‌డేట్‌ చేసిన రెజ్యూమ్‌తో పాటు విద్యార్హత, అవసరమైన ధ్రువపత్రాలు వెంట తీసుకురావాలని తెలిపారు. ఉద్యోగాన్వేషణలో ఉన్న డిగ్రీ ఫ్రెషర్లు ఈ అవకాశాన్ని సద్వినియోగం చేసుకోవాలని సూచించారు.