నారాయణఖేడ్ పట్టణంలోని గ్రంథాలయాన్ని జిల్లా గ్రంథాలయ సంస్థ చైర్మన్ జి. అంజయ్య మంగళవారం సందర్శించారు. ఈ సందర్భంగా గ్రంథాలయంలోని సమస్యలను అడిగి తెలుసుకుని, పాఠకులకు అందుతున్న సౌకర్యాలను పరిశీలించారు. ఎస్‌ఐ, కానిస్టేబుల్‌ ఉద్యోగాల కోసం రెండు నెలల పాటు కోచింగ్ కొనసాగుతోందని, అభ్యర్థులకు అవసరమైన సదుపాయాలను కల్పించినట్లు తెలిపారు. అభ్యర్థుల సౌకర్యార్థం ప్రత్యేక మరుగుదొడ్లను మంజూరు చేయడానికి చర్యలు తీసుకుంటామని హామీ ఇచ్చారు. కార్యక్రమంలో లైబ్రేరియన్లు లలితాబాయి, అన్వర్ సుల్తానా, పాఠకులు గాంధీ, శ్రీనివాస్ రాథోడ్, నెహ్రు రాథోడ్, సాయి కుమార్, సతీష్ కుమార్ తదితరులు పాల్గొన్నారు.