చౌటుప్పల్ పట్టణంలోని నారాయణ హైస్కూల్‌లో 'ఈ-ఛాంప్స్' 1, 2వ తరగతుల విద్యార్థులకు రెండవ రోజు 'స్టూడెంట్ లీడ్ కాన్ఫరెన్స్' (SLC) కార్యక్రమాన్ని బుధవారం అత్యంత వైభవంగా నిర్వహించారు. చిన్నారుల్లో దాగివున్న సృజనాత్మకతను, దాగివున్న ప్రతిభను వెలికితీసేందుకు ఈ వేదిక ఎంతో దోహదపడుతుందని నిర్వాహకులు తెలిపారు.

​గడిచిన మూడు నెలల కాలంలో తాము నేర్చుకున్న విద్యా విషయాలను ఒక 'సైన్స్ ప్రెయర్' రూపంలో విద్యార్థులు తమ తల్లిదండ్రులు, ఉపాధ్యాయుల సమక్షంలో స్వయంగా వివరించి ఆకట్టుకున్నారు. చిన్నారులలో ఆత్మవిశ్వాసాన్ని నింపడం, భావవ్యక్తీకరణ నైపుణ్యాలు (కమ్యూనికేషన్ స్కిల్స్) పెంచడం, నాయకత్వ లక్షణాలను అలవర్చడమే ఈ కార్యక్రమం యొక్క ముఖ్య ఉద్దేశమని పాఠశాల ప్రతినిధులు పేర్కొన్నారు. పిల్లలు ధైర్యంగా విషయాలను వివరిస్తుంటే తల్లిదండ్రులు ఆనందం వ్యక్తం చేశారు.

​ఈ కార్యక్రమంలో నారాయణ విద్యాసంస్థల డీజీఎం వెంకటరమణారెడ్డి, ఏజీఎం శ్రీనివాస్ రెడ్డి, ప్రిన్సిపాల్ నవనీత, ఈ-ఛాంప్స్ కోఆర్డినేటర్ సునీత, వైస్ ప్రిన్సిపాల్ క్రాంతి, డీన్ వెంకన్న, ఏవో వెంకటేశం, ఉపాధ్యాయులు, విద్యార్థుల తల్లిదండ్రులు పాల్గొన్నారు.