చౌటుప్పల్ లోని నారాయణ హై స్కూల్ లో ఈ-కిడ్స్ ఎల్కేజీ, యూకేజీ విద్యార్థులకు ‘స్టూడెంట్ లీడ్ కాన్ఫరెన్స్’ కార్యక్రమాన్ని మంగళవారం ఘనంగా నిర్వహించారు. చిన్నారుల్లో దాగి ఉన్న సృజనాత్మక శక్తిని, ప్రతిభను వెలికి తీసేందుకు ఈ ప్రదర్శన దోహదపడుతుందని పాఠశాల యజమాన్యం తెలిపింది.​గడిచిన మూడు నెలల కాలంలో నేర్చుకున్న అంశాలను విద్యార్థులు ఒక 'సైన్స్ ఫెయిర్' తరహాలో ప్రదర్శించి, తమ తల్లిదండ్రులు, ఉపాధ్యాయుల సమక్షంలో స్వయంగా వివరించారు. చిన్నతనంలోనే పిల్లల్లో ఆత్మవిశ్వాసం, కమ్యూనికేషన్ స్కిల్స్, నాయకత్వ లక్షణాలు పెంపొందించడమే ఈ కార్యక్రమం ముఖ్య ఉద్దేశమని నిర్వాహకులు వెల్లడించారు. పిల్లల ప్రదర్శనను చూసి తల్లిదండ్రులు ఎంతగానో ఆనందం వ్యక్తం చేశారు.

​ఈ కార్యక్రమంలో డీజీఎం వెంకటరమణారెడ్డి, ఏజీఎం శ్రీనివాస్ రెడ్డి, ఈ-కిడ్స్ ఆర్ అండ్ డి ప్రతినిధి సంగీత, ప్రిన్సిపాల్ నవనీత, వైస్ ప్రిన్సిపాల్ మాధవి, కోఆర్డినేటర్ హరీష, డీన్ వెంకన్న, ఏవో బాతరాజు వెంకటేశం తదితరులు పాల్గొన్నారు.