నల్లగొండ జిల్లా నార్కట్ పల్లి వద్ద హైదరాబాద్–విజయవాడ జాతీయ రహదారిపై కామినేని హాస్పిటల్ సమీపంలో రోడ్డు ప్రమాదం చోటుచేసుకుంది. హైదరాబాద్ నుంచి విజయవాడ వైపు వెళ్తున్న ఒక కారు అకస్మాత్తుగా అదుపు తప్పి డివైడర్‌ను ఢీకొని పల్టీ కొట్టింది. ఈ ప్రమాదంలో కారులో ప్రయాణిస్తున్న ఒక వ్యక్తికి స్వల్ప గాయాలు అయ్యాయి. సమాచారం అందుకున్న స్థానికులు వెంటనే స్పందించి గాయపడిన వ్యక్తిని సమీప ఆసుపత్రికి తరలించారు. ఘటనపై పోలీసులు కేసు నమోదు చేసి దర్యాప్తు చేపట్టారు.