నల్లగొండ పట్టణ కేంద్రంలోని సాగర్ రోడ్‌లో డాన్ బాస్కో కళాశాల పక్కన 11 ఎకరాల్లో నిర్మితమైన “సురభి హౌసింగ్ కాలనీ”ను ఘనంగా ప్రారంభించారు. ఆధునిక సదుపాయాలతో రూపుదిద్దుకున్న ఈ ప్రీమియం లేఅవుట్‌ను మేనేజింగ్ డైరెక్టర్లు మొహమ్మద్ బషీరుద్దీన్, మొహమ్మద్ అజారుద్దీన్ ఆధ్వర్యంలో ప్రారంభించారు.

ప్రారంభోత్సవ కార్యక్రమానికి మాజీ మున్సిపల్ చైర్మన్ బుర్రి శ్రీనివాస్ రెడ్డి, పట్టణ కాంగ్రెస్ అధ్యక్షుడు గుమ్ముల మోహన్ రెడ్డి ముఖ్య అతిథులుగా హాజరై కాలనీని ప్రారంభించారు. ఈ సందర్భంగా వారిని కాలనీ యాజమాన్యం సన్మానించింది.

టిటిసిపి, ఆర్ఈఆర్‌ఏ అనుమతులతో రూపొందిన ఈ లేఅవుట్‌లో రోడ్లు, డ్రైనేజ్, విద్యుత్, పార్కులు వంటి ఆధునిక సదుపాయాలు ఏర్పాటు చేసినట్లు నిర్వాహకులు తెలిపారు. నల్లగొండ పట్టణం వేగంగా అభివృద్ధి చెందుతున్న నేపథ్యంలో నాణ్యమైన నివాస ప్రాజెక్ట్‌గా ఇది నిలుస్తుందని పేర్కొన్నారు.

ప్రారంభ దశలోనే ప్లాట్లకు ఊహించని డిమాండ్ నెలకొంది. బుకింగ్ కౌంటర్ల వద్ద ప్రజలు భారీగా క్యూ కట్టగా, పలువురు ముందస్తు రిజర్వేషన్లు చేసుకున్నట్లు నిర్వాహకులు వెల్లడించారు. పెట్టుబడిదారులకు ఇది గోల్డెన్ ఛాన్స్‌గా, భవిష్యత్తులో విలువ మరింత పెరిగే అవకాశముందని అభిప్రాయపడ్డారు.

ఈ కార్యక్రమంలో బండారు ప్రసాద్, డిప్యూటీ మేయర్ ఆమెర్, వంగూరి లక్ష్మయ్య, మహమ్మద్ అజీమ్ ఉద్దీన్, సైఫ్ ఉద్దీన్, చిన్నాల జానయ్య, సైదులు తదితరులు, నల్లగొండ పుర ప్రముఖులు, కార్పొరేటర్లు పాల్గొన్నారు.