చిట్యాల మండలం వట్టిమర్తి గ్రామంలో టీఆర్ఎస్ పార్టీ యువ నాయకుడు మేడి శివప్రసాద్ జన్మదిన వేడుకలు మంగళవారం అత్యంత వైభవంగా నిర్వహించారు. ఈ కార్యక్రమానికి నకిరేకల్ మాజీ ఎమ్మెల్యే చిరుమర్తి లింగయ్య ముఖ్య అతిథిగా హాజరై, శివప్రసాద్ చేత కేక్ కట్ చేయించి శుభాకాంక్షలు తెలిపారు.

ఈ సందర్భంగా ఆయన మాట్లాడుతూ పార్టీ బలోపేతానికి యువత పాత్ర కీలకమని పేర్కొన్నారు. శివప్రసాద్ వంటి ఉత్సాహవంతులైన నాయకులు ప్రజా సేవలో మరిన్ని ఉన్నత శిఖరాలు అధిరోహించాలని ఆకాంక్షించారు. ఆయనకు ఆయురారోగ్యాలతో దీర్ఘాయుష్షు కలగాలని దీవించారు.

శివప్రసాద్ జన్మదినాన్ని పురస్కరించుకుని గ్రామంలో యువకులు, పార్టీ కార్యకర్తలు పెద్ద ఎత్తున సంబరాలు నిర్వహించారు. పలు సేవా కార్యక్రమాలు చేపట్టి తమ అభిమానాన్ని చాటుకున్నారు.ఈ కార్యక్రమంలో పర్నే నరేందర్ రెడ్డి, నర్రా శ్రీకాంత్ రెడ్డి, మేడి రాజు, మేడి హరికృష్ణ, సిరిపంగి ఎల్లయ్య, నందిపాటి హరీష్, అరుణ్ అంజన, పెళ్లి శివ సాయి, నాని బాలాజీ తదితర నాయకులు, కార్యకర్తలు, అభిమానులు పాల్గొన్నారు. శివప్రసాద్‌ను పూలమాలలు, శాలువాలతో ఘనంగా సత్కరించారు.అనంతరం మేడి శివప్రసాద్ మాట్లాడుతూ తన జన్మదిన వేడుకలకు విచ్చేసి ఆశీర్వదించిన ప్రతి ఒక్కరికీ కృతజ్ఞతలు తెలిపారు.