బీబీనగర్, సెప్టెంబర్ 22: బడ్జెట్ స్కూల్స్ మేనేజ్‌మెంట్ అసోసియేషన్ ఆఫ్ తెలంగాణ (బీఎస్‌ఎంఏ) యాదాద్రి భువనగిరి జిల్లా అధ్యక్షుడిగా ఎన్నికైన కొండూరి మల్లేష్‌గౌడ్ మంగళవారం బీబీనగర్ మండల విద్యాధికారి సురేష్‌రెడ్డిని మర్యాదపూర్వకంగా కలిశారు. ఈ సందర్భంగా మల్లేష్‌గౌడ్‌ను శాలువాతో సత్కరించి అభినందించారు.

అనంతరం విద్యారంగానికి సంబంధించిన పలు అంశాలపై ఇరువురు చర్చించారు. కార్యక్రమంలో బీఎస్‌ఎంఏ బీబీనగర్ మండల అధ్యక్షుడు కోనార్క్‌రావు, ప్రధాన కార్యదర్శి కాశీ విశ్వనాథ్, కరస్పాండెంట్ సత్యనారాయణరావు తదితరులు పాల్గొన్నారు.