మేకల దొంగతనాలకు పాల్పడుతున్న నలుగురు నిందితులను రామన్నపేట పోలీసులు అరెస్ట్ చేశారు. పోలీసుల వివరాల ప్రకారం రామన్నపేట పోలీస్‌స్టేషన్ పరిధిలోని నిదానపల్లి గ్రామంలో ఈ నెల 20వ తేదీ రాత్రి మేక దొంగతనం జరిగిన ఘటనపై కేసు నమోదు చేసి దర్యాప్తు చేపట్టారు. దర్యాప్తులో భాగంగా సెప్టెంబర్ 23న జనంపల్లి క్రాస్‌రోడ్ వద్ద అనుమానాస్పదంగా సంచరిస్తున్న నలుగురిని పోలీసులు అదుపులోకి తీసుకుని విచారించారు. విచారణలో వారు మేకల దొంగతనాలకు పాల్పడినట్లు వెల్లడైనట్లు పోలీసులు తెలిపారు. నిందితుల వద్ద నుంచి రూ.10 వేల నగదు, ఒక మొబైల్ ఫోన్‌తో పాటు దొంగతనాలకు ఉపయోగించిన స్విఫ్ట్ కారు ను స్వాధీనం చేసుకున్నట్లు పేర్కొన్నారు. నిందితులపై గతంలోనూ పలు దొంగతనం కేసులు నమోదైనట్లు దర్యాప్తులో వెల్లడైందని పోలీసులు తెలిపారు. అరెస్ట్ చేసిన నిందితులను న్యాయస్థానం ఎదుట హాజరుపరిచినట్లు రామన్నపేట ఎస్ ఐ సతీష్ తెలిపారు