నారాయణఖేడ్ నియోజకవర్గంలో మహిళా మరియు శిశు సంక్షేమ శాఖ ఆధ్వర్యంలో నిర్వహించిన “మిషన్ శక్తి – బేటీ బచావో బేటీ పడావో” కార్యక్రమంలో జహీరాబాద్ ఎంపీ సురేష్ కుమార్ షేట్కార్,నారాయణఖేడ్ మున్సిపల్ చైర్మన్ నాగేష్ షేట్కార్ పాల్గొన్నారు. ఈ సందర్భంగా మహిళల సాధికారత, బాలికల విద్యాభివృద్ధి, స్వయం ఉపాధి అవకాశాలపై అవగాహన కల్పిస్తూ నిర్వహిస్తున్న వృత్తి శిక్షణ, టైలరింగ్ శిక్షణ కార్యక్రమాలను అభినందించారు. మహిళలు అన్ని రంగాల్లో ముందుకు రావడానికి ప్రభుత్వం ప్రత్యేక చర్యలు చేపడుతోందని తెలిపారు. అలాగే “తెలంగాణ రైజింగ్ – 99 డేస్ యాక్షన్ ప్లాన్” ద్వారా మహిళలు, బాలల సంక్షేమానికి అమలు చేస్తున్న పథకాలను ప్రజలకు వివరించారు. ఈ కార్యక్రమంలో మున్సిపల్ కౌన్సిలర్ వివేకానంద మహేందర్, లక్ష్మణ్, మున్సిపల్ అధికారులు, సంబంధిత శాఖ అధికారులు పాల్గొన్నారు.