మున్సిపాలిటీలో ఘనంగా గాంధీ, లాల్ బహదూర్ శాస్త్రి జయంతి వేడుకలు

మహనీయులు చూపిన అహింస, శాంతి, నిజాయితీ మార్గాల్లో నడుస్తూ వారి ఆదర్శాలను ప్రతి ఒక్కరూ జీవితంలో ఆచరించాలని మున్సిపల్ చైర్‌పర్సన్ మొగుదాల పావని రమేష్ గౌడ్ పిలుపునిచ్చారు. గాంధీ జయంతి, లాల్ బహదూర్ శాస్త్రి జయంతి సందర్భంగా శుక్రవారం మున్సిపల్ కార్యాలయంలో చైర్‌పర్సన్ అధ్యక్షతన వేడుకలను అత్యంత ఘనంగా నిర్వహించారు. ఈ సందర్భంగా ఆ మహనీయుల చిత్రపటాలకు పూలమాలలు వేసి ఘనంగా నివాళులర్పించారు.​అనంతరం చైర్‌పర్సన్ మాట్లాడుతూ.. గాంధీజీ అహింసా మార్గం, లాల్ బహదూర్ శాస్త్రి ‘జై జవాన్ - జై కిసాన్’ నినాదం దేశానికి రెండు బలమైన స్తంభాలని కొనియాడారు. వారి ఆశయాలను కొనసాగించడమే మనం ఇచ్చే నిజమైన నివాళి అని పేర్కొన్నారు.​ఈ కార్యక్రమంలో మున్సిపల్ వైస్ చైర్మన్ గోసిక వినయ్, కౌన్సిలర్లు కొసనం రాజేష్ రెడ్డి, పోలేపల్లి లక్ష్మి ముత్తయ్య, పల్లె లావణ్య సురేందర్ రెడ్డి, బద్రి గాలయ్య, దేప రమ్య రాజు, పాక చిరంజీవి, ఉడుగు జ్యోతి రమేష్, బత్తుల జయమ్మ దాసు, చింతల ఉమామహేశ్వరి సాయిలు, బుడ్డా సురేష్, పిల్లలమర్రి మధుసూధన్, హన్ను మహమ్మద్, కో-ఆప్షన్ సభ్యులు పస్తం గంగరాములు, మహమ్మద్ బాబా షరీఫ్, షేక్ నబీబి జానీ బాబా, మున్సిపల్ పర్యావరణ ఇంజనీర్ రేణు కుమార్, కార్యాలయ సిబ్బంది శ్రీకాంత్, భరత్, బుచ్చి రాములు, ఉపేందర్, రవి, శ్యామ్, సునీత, భాస్కర్, అరవింద్, జవాన్ అంజయ్య, వంశీ తదితరులు పాల్గొని నివాళులర్పించారు.