ఉత్సాహంగా పాల్గొన్న విద్యార్థులు, ఉపాధ్యాయులు

చౌటుప్పల్ స్థానికం ప్రతినిధి:

చౌటుప్పల్ మండలం కుంట్లగూడెం గ్రామ జిల్లా పరిషత్ ఉన్నత పాఠశాలలో శనివారం ‘స్వపరిపాలన దినోత్సవం’ అత్యంత ఉత్సాహంగా, ఘనంగా నిర్వహించారు. ఈ ప్రత్యేక కార్యక్రమంలో విద్యార్థులే పరిపాలనా పగ్గాలు చేపట్టి అధికారులుగా వ్యవహరించి అందరినీ ఆకట్టుకున్నారు.​కార్యక్రమంలో భాగంగా పాఠశాల విద్యార్థిని శ్రీవైష్ణవి జిల్లా కలెక్టర్‌గా, పి. ప్రసన్న జిల్లా విద్యాశాఖాధికారి, కె. గౌతమ్ మండల విద్యాశాఖాధికారి, జి. భాగ్యశ్రీ ప్రధానోపాధ్యాయురాలిగా బాధ్యతలు నిర్వర్తించారు. విద్యార్థులు బాధ్యతాయుతంగా వ్యవహరించి పాఠశాల నిర్వహణ తీరును పరిశీలించారు.​ఈ కార్యక్రమంలో పాఠశాల ప్రధానోపాధ్యాయురాలు ఎలిజబెత్, ఉపాధ్యాయులు అశోక్, సుజన, పురుషోత్తం రెడ్డి, ఇందుమతి, తేజస్వి, ఆంజనేయులు తదితరులు పాల్గొన్నారు.