కోదాడ ప్రభుత్వ ప్రాంతీయ వైద్యశాలలో మంగళవారం హాస్పిటల్ అభివృద్ధి కమిటీ సమావేశం కోదాడ ఎమ్మెల్యే పద్మావతి రెడ్డి అధ్యక్షతన నిర్వహించారు. ఆసుపత్రి అభివృద్ధి, నిర్మాణ పనుల పురోగతి, వైద్యులు–సిబ్బంది నియామకాలు, రోగులకు మెరుగైన వైద్య సేవలు అందించే అంశాలపై సమావేశంలో సమీక్షించారు.ఈ సందర్భంగా ఎమ్మెల్యే పద్మావతి రెడ్డి మాట్లాడుతూ.. కోదాడలో నిర్మిస్తున్న 100 పడకల ఆసుపత్రి పనులను యుద్ధప్రాతిపదికన, నాణ్యతా ప్రమాణాలతో పూర్తి చేయాలని సంబంధిత అధికారులను, కాంట్రాక్టర్‌ను ఆదేశించారు. ఆసుపత్రికి అవసరమైన డాక్టర్లు, వైద్య సిబ్బంది నియామకాల కోసం తన వంతు కృషి చేస్తానని తెలిపారు.కోదాడ నియోజకవర్గ ప్రజలకు మెరుగైన వైద్య సేవలు అందించాలనే లక్ష్యంతో తాను, మంత్రి కలిసి కృషి చేసి 100 పడకల ఆసుపత్రి నిర్మాణానికి రూ.26 కోట్ల నిధులు మంజూరు చేయించామని ఎమ్మెల్యే తెలిపారు. కోదాడను భవిష్యత్‌లో మెడికల్ హబ్‌గా తీర్చిదిద్దేందుకు చర్యలు తీసుకుంటామని పేర్కొన్నారు.

ఈ సమావేశంలో మున్సిపల్ చైర్మన్ ఎర్నేని కుసుమ బాబు, DCHS వెంకటేశ్వర్లు,ఆసుపత్రి సూపరింటెండెంట్ దశరథ్,RDO సూర్యనారాయణ, మున్సిపల్ కమిషనర్ గారు రమాదేవి , వైద్యులు, అధికారులు తదితరులు పాల్గొన్నారు.