కోదాడ నియోజకవర్గ వ్యాప్తంగా చలి తీవ్రత రోజురోజుకూ పెరుగుతోంది. ముఖ్యంగా తెల్లవారుజామున, ఉదయం, సాయంత్రం వేళల్లో చల్లని గాలులు వీస్తుండటంతో ప్రజలు తీవ్ర ఇబ్బందులు ఎదుర్కొంటున్నారు. చలి ప్రభావంతో వృద్ధులు, చిన్నపిల్లలు, వాహనదారులు అవస్థలు పడుతున్నారు. ఉదయం వేళల్లో వ్యవసాయ పనులకు వెళ్లే రైతులు, కూలీలు, ఉద్యోగులు చలితో ఇబ్బందులు ఎదుర్కొంటున్నారు. చలి కారణంగా రహదారులపై జనసంచారం కూడా తగ్గుతోంది. పలుచోట్ల ప్రజలు చలిమంటలు వేసుకుని ఉపశమనం పొందుతున్నారు. చలి నుంచి రక్షణ పొందేందుకు స్వెటర్లు, మఫ్లర్లు, దుప్పట్లు వినియోగిస్తున్నారు. ముఖ్యంగా వృద్ధులు, చిన్నపిల్లలు తగిన జాగ్రత్తలు తీసుకోవాలని ప్రజలు సూచిస్తున్నారు. రానున్న రోజుల్లో చలి తీవ్రత మరింత పెరిగే అవకాశం ఉండటంతో ప్రజలు అప్రమత్తంగా ఉండాల్సిన అవసరం ఉంది.